اعوذ بالله من الشیطن الرجیم
انه من سلیمن و انه بسم الله الرحمن الرحیم
بسم الله المذل القھار لکل عدو و شیطان۔
قُلِ اللّٰهُمَّ مٰلِكَ الْمُلْكِ تُؤْتِی الْمُلْكَ مَنْ تَشَآءُ وَ تَنْزِعُ الْمُلْكَ مِمَّنْ تَشَآءُ٘-وَ تُعِزُّ مَنْ تَشَآءُ وَ تُذِلُّ مَنْ تَشَآءُؕ-بِیَدِكَ الْخَیْرُؕ-اِنَّكَ عَلٰى كُلِّ شَیْءٍ قَدِیْرٌ(26) تُوْلِجُ الَّیْلَ فِی النَّهَارِ وَ تُوْلِجُ النَّهَارَ فِی الَّیْلِ٘-وَ تُخْرِ جُ الْحَیَّ مِنَ الْمَیِّتِ وَ تُخْرِ جُ الْمَیِّتَ مِنَ الْحَیِّ٘-وَ تَرْزُقُ مَنْ تَشَآءُ بِغَیْرِ حِسَابٍ(27) سورہ آل عمران
کہہ دیجیے کہ اے اللہ !مُلک کے مالک! تو جسے چاہتاہے سلطنت عطا فرماتا ہے اور جس سے چاہتا ہے چھین لیتا ہے اور توجسے چاہتا ہے عزت دیتا ہے اور جسے چاہتا ہے ذلت دیتا ہے ،تمام بھلائی تیرے ہی ہاتھ میں ہے، بیشک تو ہر شے پر قدرت رکھنے والاہے۔ تو رات کا کچھ حصہ دن میں داخل کردیتا ہے اور دن کا کچھ حصہ رات میں داخل کردیتا ہے اور تو مردہ سے زندہ کونکالتا ہے اور زندہ سے مردہ کو نکالتا ہے اور جسے چاہتا ہے بے شمار رزق عطا فرماتا ہے۔
طبرانی کی حدیث میں ہے اللہ کا اسم اعظم اس «قُلِ اللَّـهُمَّ مَالِكَ الْمُلْكِ» میں ہے کہ جب اس نام سے اس سے دعا کی جائے تو وہ قبول فرما لیتا ہے۔ [طبرانی کبیر:12796]
اس اتوار، پانچ مئی ۲۰۲۴ کو نماز فجر کے بعد اس طلسم کو بنانے کا وقت ہے۔ شمس کا نہایت سعد وقت چل رہا ہو گا۔ ویسے یہ طلسم آپ کسی بھی قمر تثلیث شمس یا قمر تسدیس شمس کی نظرات میں بھی بنا سکتے ہیں۔ اسکے علاوہ کسی بھی طاقتور ساعت شمس میں ایک شمس سے وابستہ حرف میم کا طلسم ایسا بنایا جا سکتا ہے جو آپکے اور آپکے گھر کے لیے بے تحاشہ خیر برکت کا سبب بنے گا۔ اس طلسم سے گھر میں پیسہ بھی آتا ہے۔ اس طلسم کے بہت فوائد ہیں اتنے کہ پڑھتے پڑھتے آپ اکتا جائیں گے۔ صرف اتنا جان لیجیے کہ یہ طلسم رب القھار کے وسیع خزانوں سے برکات و فتوحات حاصل کرنے کا عمل ہے۔ دولت کے وسیع ذرائع بھی پیدا ہوتے ہیں۔ اس عمل سے آیات مبارکہ کی زکوۃ بھی ادا ہو جائے گی جسکے اور بہت فضائل ہیں۔ یہ آیات مبارکہ دنیا میں شان و شوکت عطا کرتی ہیں۔ اور ایک راز کی بات ہمیشہ یاد رکھیے گا۔ جس آیت کی جو تاثیر آپکو دنیا میں ملے گی، وہی تاثیر آخرت میں بھی عطا ہو گی۔ یعنی اگر دنیا میں شان و شوکت ملی تو آخرت میں بھی لازم ملے گی۔ اگر دنیا میں رزق عطا ہوا تو آخرت میں بھی لازمی عطا ہو گا۔
جو لوگ یہ کہتے ہیں کہ اگر آیات و اسما کی تاثیر دنیا میں مل گئی تو آخرت میں نہ ملے گی، نہایت اعلی لیول کے جاہل و گنوار ہیں۔ آیات و اسما اپنے اپنے ذاکرین کے ساتھ سائے کی طرح ہونگے اور کسی صورت اپنے ذاکرین کو تنہا نہ چھوڑیں گے۔ سو جو میراثی آپکو یہ کہتا نظر آئے کہ قران و اسما دنیاوی حاجات میں نہیں پڑھنے چاہییں، اس سے ثواب نہیں ملتا بلکہ الٹا قران کے موکلات غصے میں آ جاتے ہیں اور آپکی زندگی میں ہول بنا دیتے ہیں، یقین کر لیجیے کہ وہ میراثی خود بہت بڑا
Asshole
ہے اور قران و اسما الٰہی کے موکلات کے بارے کچھ نہیں جانتا۔ درحقیقت قران و اسما الٰہی کے موکلات اپنے ذاکرین کو بہت محبوب جانتے ہیں اور انکے اوپر اپنے پروں سے سایہ کرتے ہیں اور انکے لیے دعائے خیر کرتے ہیں اور عذاب کے فرشتوں کے آگے یہ ملائکہ رکاوٹ ہونگے اور دنیا میں بھی یہ بہت سارے نقصانات و پریشانیوں سے بچاتے ہیں جنکا ہمیں پتہ ہی نہیں چلتا۔
قل اللھم والی آیت کا ایک پرسنل واقعہ آپکو سناؤں۔ بچپن میں میں اور میرا دوست ایک بڑے سٹور سے کچھ لینے گئے۔ دوست نے ایک چاکلیٹ اٹھا کر جیب میں ڈال لیا۔ جب سٹور سے نکلنے لگے تو سٹور پر موجود ایک ملازم، جو دوست کو دیکھ چکا تھا، نے ہمیں روک لیا اور کہا جو اٹھایا ہے اُسکے پیسے تو دو۔ اب میں تو شرم سے پانی پانی ہو گیا اور دوست نے بڑی ڈھٹائی سے کہا کہ یہ چاکلیٹ تو میں نے ساتھ والے سٹور سے خریدا ہے۔ سٹور کے مینیجر نے اُسی ملازم کو ہمارے ساتھ دوسرے سٹور بھیجا کہ جا کر چیک کرو کہ واقعی انھوں نے وہ چاکلیٹ وہاں سے خریدا ہے یا نہیں۔ اب جب ہم دوسرے سٹور جا رہے تھے تو میری حالت غیر تھی کہ وہ سٹور والا تو کہہ دے گا کہ ہم اُس کے پاس نہیں ائے اور بڑی بے عزتی ہو گی۔ گھر بات پہنچی تو اور بے عزتی۔ پولیس آ گئی تو اور بے عزتی۔ بس اب کائنت میں مجھے ہر جگہ بے عزتی ہی بے عزتی نظر آ رہی تھی اور زبان پر مندرجہ بالا آیت کا ورد شروع ہو گیا۔ اچھا جب دوسرے سٹور پر پہنچے اور ہمارے ساتھ موجود پہلے سٹور کے ملازم نے کیشئیر سے سوال پوچھا کہ کیا ان لڑکوں نے یہاں سے چاکلیٹ خریدا تھا تو کیشئیر نے جو کہا وہ سن کر میں کیشئیر کا منہ ہی تکتا رہ گیا۔ اُس نے کہا ہاں جی، یہ لڑکے ابھی تھوڑی دیر پہلے آئے تھے اور یہ چاکلیٹ خرید کر گئے تھے۔ اب جس ملازم نے میرے دوست کو چوری کرتے آنکھوں سے دیکھا تھا اُسکو ہم سے معافی مانگنی پڑ گئی۔ سوچیے اُسکی کیا حالت ہو گی۔ باہر نکل کر میرا دوست کہتا ہے، یار یہ کیسے ہوا۔ میں نے آگے سے کہا، جا اوئے لعنتیا۔ گھر آ کر پندرہ منٹ کا سجدہ شکر ادا کیا۔ یہ ہوتی ہے قران کی تاثیر اور یہاں میراثی ہمیں بتاتے نظر آتے ہیں کہ دنیاوی معاملات میں قران پڑھنا کتنا خطرناک ہے۔
خیر آگے چلتے ہیں۔ جن لوگوں نے میرا پہلا شیر والا طلسم شمس بنایا ہے وہ لوگ اُسی طلسم کے پیچھے ہی نیا والا طلسم بنا لیں تو دگنی طاقت حاصل ہو جائے گی۔ اور دونوں طلاسم پر الگ الگ پڑھائی کرنے کی ضرورت نہیں۔ صرف اسی وڈیو والی آیات مبارکہ پڑھ کر دونوں طلاسم پر دم کر لیں۔ یہ طلسم مجھے میرے اساتذہ سے ملا تھا۔ کئی مرتبہ کا آزمایا ہوا اور نہایت پُرتاثیر ہے۔ مجرب مجرب مجرب۔
میری خواہش ہے کہ لوگ نقوش و طلاسم کے معاملات میں خود کفیل ہو جائیں۔ تمام عاملین کے چکروں سے نکل جائیں بشمول میرے۔ اسی لیے یہ ایک نہایت آسان طریقہ میم کے طلسم کا شئیر کیا۔ نہ صرف طلسم و حرف کی تاثیر حاصل ہو گی بلکہ آیات مبارکہ کی زکوۃ بھی ادا ہو جائے گی جو کہ آگے چل کر بھی بہت کام ائے گی۔ ثواب بے تحاشہ حاصل ہو گا ذکر الٰہی کا اور دنیاوی و آخروی برکات الگ حاصل ہونگی۔
صدق الله العلی العظیم
والله اعلی و اعلم۔
